周日趣BLOGBLOG：股壇小圈子遊戲
Appledaily.com 2.9.2012
股榮
今年港股非常惡炒，偏偏有一類型股票完全免疫，無論任何壞消息、業績如何不濟，股價一樣升到你唔信。這類股票貨源極度歸邊，你以為好彩搶到筍貨，但上車易落車難，分分鐘有得睇、冇得食，仲要輸鑊甘。
證監會不時會發佈股權超級集中股份，去年至今約20個月，合共有12隻股份被點名，全部股份超過九成股權，由20位或更少股東持有，這類股份有一個共通點，升得快，跌得仲快。
今年七隻被點名「小圈子」股份，六升一跌，當中四隻升幅超過一倍，最叻一隻創業板股飆升4.5倍。至於主板的友川（1323），早前調查其香港總部「不翼而飛」，截至3月底止年度更轉盈為虧，不過股價一於好少埋，年內照彈近三倍。
不過印象最深刻，一定要提創新股開埠以來，上市短短49日即發盈警的東吳水泥（695），雖然僅升12%，但相比同業跌到阿媽都唔認得，已經算係咁。
證監會不時會發佈股權超級集中股份，去年至今約20個月，合共有12隻股份被點名，全部股份超過九成股權，由20位或更少股東持有，這類股份有一個共通點，升得快，跌得仲快。
今年七隻被點名「小圈子」股份，六升一跌，當中四隻升幅超過一倍，最叻一隻創業板股飆升4.5倍。至於主板的友川（1323），早前調查其香港總部「不翼而飛」，截至3月底止年度更轉盈為虧，不過股價一於好少埋，年內照彈近三倍。
不過印象最深刻，一定要提創新股開埠以來，上市短短49日即發盈警的東吳水泥（695），雖然僅升12%，但相比同業跌到阿媽都唔認得，已經算係咁。
極度歸邊股博唔過
東吳6月中旬上市時寂寂無名，偏偏獲「女股神」劉央青睞，上市時西京投資以招股價1.1元入股9%，涉及近5000萬元。好記得7月底東吳「報警」預期蝕錢後，股榮心諗翌日股價肯定大跌，殊不知甫開市跌逾6%，收市竟倒升1.5%。原來連同劉央在內19位股東，持有東吳超過98%股權，2%股東見盈警後掟貨，沽壓大極有限，19位股東只要齊心唔沽，每人買多少少，已經消化拋售潮，埋單賬面還有賺。
這類小圈子「圍威喂」遊戲，最重要係齊心。條例規定，大股東及其相關人士不可持股超過75%，其他持股股東，名義上是公眾人士，但其實卻是坐埋同一條船，事但有件「粉腸」頂唔順要錢唔要貨，就會出現瀑布式下跌，去年喜尚（8179）就是最好例子。
以季季紅打響名堂的喜尚，去年七月以招股價1元創業板上市，證監8月曾警告街外貨只有3.6%，貨疏容易舞高，今年一月升到3.8元時，一拆十變毫子股，及後再由三毫爆上至八毫，短短八個月爆升八倍，這就是「小圈子」威力。好景不常在，今年三月有股東「唔生性」掟貨，其他股東見勢色唔對，加入沽貨，成街都係貨，大股東睬你都儍，任何股價free fall，股價三日插85%，至今股價只有6.5仙，年內跌82%，還低於招股價35%。
去年有五隻股份被「點名」，今年全部冇運行，股價跌幅介乎2%至82%，平均跌43%。股票世界裏沒有長期朋友，今日拍心口話唔放，聽日佢可能最快沽貨，食得鹹魚抵得渴，堅持要炒小圈子股，唯有祝君好運。
這類小圈子「圍威喂」遊戲，最重要係齊心。條例規定，大股東及其相關人士不可持股超過75%，其他持股股東，名義上是公眾人士，但其實卻是坐埋同一條船，事但有件「粉腸」頂唔順要錢唔要貨，就會出現瀑布式下跌，去年喜尚（8179）就是最好例子。
以季季紅打響名堂的喜尚，去年七月以招股價1元創業板上市，證監8月曾警告街外貨只有3.6%，貨疏容易舞高，今年一月升到3.8元時，一拆十變毫子股，及後再由三毫爆上至八毫，短短八個月爆升八倍，這就是「小圈子」威力。好景不常在，今年三月有股東「唔生性」掟貨，其他股東見勢色唔對，加入沽貨，成街都係貨，大股東睬你都儍，任何股價free fall，股價三日插85%，至今股價只有6.5仙，年內跌82%，還低於招股價35%。
去年有五隻股份被「點名」，今年全部冇運行，股價跌幅介乎2%至82%，平均跌43%。股票世界裏沒有長期朋友，今日拍心口話唔放，聽日佢可能最快沽貨，食得鹹魚抵得渴，堅持要炒小圈子股，唯有祝君好運。
