青心直說：國藥控股 (1099), 廣深鐵路（ 525）

23號派成績表嘅國藥控股（ 1099），再度跌落雙底支持任你買，唔心急而有心理準備中線持貨可考慮分段買入。唔好期望即時大彈，要短炒唔該過隔籬炒中國製藥（ 1093），唔好阻住地球轉。

國藥有望獲注資
國藥上市以來一直低調，有部份分析員覺得佢 80倍 PE太貴，似乎忽略咗增長潛力。的確，以一間中國「屈臣氏」嚟講，佢頭 9個月營業收入 38億幾元（人民幣．下同），但盈利只得 1.89億元，利錢唔多合格。

商務部高官早前話，要打造國藥成為醫藥界嘅沃爾瑪。從近期國藥一系列部署，漸見佢由研究、生產、批發以至銷售一條龍嘅藥業巨企雛形。未來增長亮點唔單係賣藥，而係製藥。公司話同上海醫工院嘅整合將喺 5月完成，到時會將佢併入國藥母公司，估計重組完成 (when? when? 5 years? 10 years later?) 執靚靚後，注入上市公司好正路。醫工院即係上海醫藥工業研究院， 08年銷售收入超過 9億元，係國家級藥品研究基地，旗下全資持有 A股上市嘅現代製藥，重組後有望注入國藥。

國藥同今年筆者睇好嘅廣深鐵路（ 525）條路越行越似，都係前途無限，欠嘅只係投資者嘅耐性 (= wait for 10 years? God bless!)。

胡孟青 Appledaily.com 17.3.2010
.
.