青心直說：天大油管 (839) 唔係炒炒貢

最緊要識搵盲公竹

看來，中國企業走出去之路途仍崎嶇不平。要撥開雲霧，最直接係搵支好嘅盲公竹，正如法國巴黎 CAC40成份股百年老店 Vallourec剛以 37%溢價即 3.96元入股天大石油管材（ 839） H股近兩成股權，唔好以為又係另一樁呢期流行嘅整色整水乘機博大霧嘅古靈精怪刁，人家生意遍及 20個國家和地區、員工人數超過 1.8萬人，盈利 5.17億歐元，天大石油管材盈利才 1.9億元人民幣，你要面對股東，人家法國公司比你更緊張，因為佢哋更加要面對股東；再者，對方技術與歷史比天大更高更大，又唔介意畀技術支援，更加肯俾你貼埋佢個嘜頭，有得貼牌就唔怕反傾銷啦。

胡孟青 獨立股評人 17.9.2010
.