中交建 (1800):想撈底倒不如買基建股,美林目標價11.3,淨利率遠勝中鐵及中鐵建

青心直說：熊市來臨清倉過聖誕？

Appledaily 2009年12月18日

大市連跌 3日， 100日線也告失守，好彩成交收縮，散戶患得患失，特別係持有內銀股的粉絲，心裏乾急着是否應該大清貨，沽清沽淨過聖誕。聽到聽眾，甚至電視台同事都大哭股喪的同時，腦裏即時響起郭富城名曲︰「我是不是該安靜的走開，還是該勇敢留下來，我也不知道那麼多無奈，可不可以都重來……」買股票梗係唔同談戀愛，呢點亦係投資者要戒嘅惡習。多年來唔少人對思捷環球（ 330）有一份獨特情意結，就好比滙豐控股（ 005），因為佢哋兩隻都係陪着大家成長，幫補唔少家計，叻嘅甚至創業興家。可惜時移世易，長線投資唔係唔好，但經歷過金融海嘯，連大經濟學家都扯白旗投降，股市周期短之又短，投資者應改變策略，盡可能做花心蘿蔔，吸收各行各業資訊嚟分析大局，勝過死硬派追逐夕陽工業。

撈底不如買基建股
唔係話內地時裝市場係夕陽工業，只係唔明白，點解思捷幾年前一直強調要以歐洲市場為重心，當時確係風光過，賺歐元賺到手軟，亦係該股一大亮點。如今竟然又話歐洲業務短期唔會明顯改善，表示要重投神州大地懷抱，以近 39億元喺華潤創業（ 291）手上買番內地合營公司嘅餘下權益，足足 27倍市盈率，都幾貴。思捷主席高漢思夠膽死話，由於內地潛力大，作價高低與否唔重要。好一句豪情壯語，未來增長動力，係咪真係有高先生講咁高？不如留意吓點解香港嘅 Esprit Oulet生意亦唔係好得去邊，正店更唔多覺內地客嘅腳毛。

呢個正正係最好嘅反面教材，叫大家唔好咁盲目，此一時彼一時，唔當炒嘅板塊，你撈多少次底，都只係越撈越低。到底應唔應該沽貨清倉過聖誕？總之，只要一日仲有散戶問︰「係咪時候撈底買弱勢內銀股」，個市恐怕仲未跌完。

小心駛得萬年船，既然坐咗艇而又有新錢，想撈底倒不如買基建股，因為累積跌幅已巨，以中交建（ 1800）落番 7蚊邊，亦係眾多大基建股中毛利最高，現水平撈先真正真係「撈抵」。

胡孟青. 18.12.2009
.
Aastock.com《大行報告》美林︰市場對中交<01800.hk>海外風險反應過敏
2009-12-11 08:39:32

美銀美林表示，中交<01800.hk>近期股價下跌，主要因附屬振華港機<600320.hk>持有1.8億美元杜拜港口訂單。美林指，杜拜港口已表明不會參與杜拜世界重組，認為市場反應過敏，相信中交有能力產現2009-11年每股盈利複合年增長21%，現水平估值吸引，可趁疲弱收集，重申評級「買入」，目標價11.3元.

.
郭家耀: 中交<01800.hk> 入市:$7.55, 目標:$8.5, 止蝕:$7.1

Aastock.com 2009-12-15 09:46:05

海通證券(香港)投資咨詢部副總裁郭家耀表示，受惠中央刺激經濟方案，中交<01800.hk>基建合約大幅增加。截至6月底，收入及純利分別上升27.8%及37.5%，淨利潤率微升0.2個百分點至5.7%，遠勝中鐵<00390.hk>及中鐵建<01186.hk>的2.17%和1.76%。

雖預期明年基建項目增長遜於今年，但公司已有大量工程簽合同，且中國的正處於強勁增長階段，對基建投放將持續有增無減。政府亦剛批准涉資1.25萬億元人民幣的城軌交通規劃，可鞏固集團未來收入。股價大幅落後恆指，且市盈率較低，是在市況未明時的不錯選擇。

.

Aastock.com 2009-12-01 09:28:18

中交<01800.hk>宣布，旗下四航局和廣航局、一航局及天航局組成兩個聯營體，分別中標港珠澳大橋的珠澳口岸人工島填海工程，分別是北標段HZMB-SG001合同段和南標段HZMB-SG002合同段，南、北標段總工期均為36個月，中標總金額達18.35億元人民幣。(da/w)

.

振華重工︰持杜拜港合約額4.1億美元，未收1.87億美元

Aastock.com 2009-12-01 09:41:20

中交建<01800.hk>A股附屬振華重工<600320.sh>發聲明回應，核實公司參與杜拜世界不存在直接業務關係；與杜拜港口世界(DPW)參股或控股之世界各地碼頭分別簽有多單合同，至今在建合同項目有19個，金額約4.1億美元，已收到款項約3.27億美元，未收款1.87億美元，其中按進度未到收款期1.8億美元。

聲明重申，DPW是全球第三大集裝箱碼頭運營商，為杜拜世界優良資產，據報道其不包含在此次重組計劃中。
.
.
振華重工：杜拜世界事件影響有限

Aastock.com 2009-11-30 14:53:03

外電引述中交<01800.hk>旗下振華重工<600320.sh>管理人士透露，杜拜世界債務危機對公司影響有限，因其目前正執行中的合同款項基本都已支付。杜拜世界去年底曾向振華訂購87台集裝箱起重機，總金額約3.43億美元。公司將於明日公布一份有關合同的公告。
.