中國龍工 (3339) 賣出 646台，增長 1.86倍

青心直說：建築設備股無懼樓市調控

Appledaily.com 2010年05月18日

市場擔心歐元區瓦解，其實長痛不如短痛，瓦解後咪好似啲經常被低估嘅股票，私有化後可釋放價值。與其為咗面子夾硬維持歐元區「河蟹」，搞到大家口和心不和，市場信心盡失，倒不如回復舊制，或逐出本來就冇條件共榮嘅弱國，至係拯救歐元同重建市場信心嘅做法。歐洲危機加劇，內地炒風卻依然旺盛，中央「新國十條」推出一個月以來，各大城市成交量大減，但樓價仲未有下調迹象。溫州炒樓團有錢，炒樓唔使造按揭，收緊銀根對佢哋影響唔大，一樣可以持貨善價而沽，甚至將額外資金調去炒金炒期指炒蒜頭。本周五滬深 300期指首次結算，被指係市況急跌嘅元凶，同期開戶數目又真係由 2000幾個急升至 2萬個，唔使講都知道熱錢去咗邊。

睇銷售　測後市
既然低息環境繼續有利投機炒作，房地產呢塊肥豬肉，炒家當然唔會輕易放過，加上中央將大力興建保障性住房，日前水泥股已開始報復式反彈，下一梯隊不妨留意吓建築工程機械設備股。早前見過中駿置業（ 1966）老闆黃朝陽，佢跟日本住友一向有合資產銷建築用掘挖機，順便攞啲料，發現今年首季售出嘅掘挖機，已多過舊年首 10個月。

起樓梗要有挖土機，上月內地整體銷售按年倍增至超過 1.6萬台， A股上市嘅三一重工銷量增長 1.2倍至超過 1400台；中國龍工（ 3339）賣出 646台，增長 1.86倍。龍工盈利正係樓市寒暑表，從業績睇，公司已度過最壞時刻，回復較佳增長，毛利保持約兩成水平，現市盈率僅約 10倍，具一定防守性，股價於 5元水平有一定支持。早前公司贖回大部份 07年發行嘅 CB，未來公允值虧損對賬目影響減至最低，業績將更能反映業務表現。不過基金股東似乎未沽完貨，繼鄧普頓後，新加坡政府投資基金上月中再減持 0.96%。公司去年 8月發嘅新一批總值 1.35億美元零息 CB，行使價 7元，且看會否對股價走勢有啲啟示。

胡孟青
.
.
.
Appledaily 20.5.2010 邱古奇:

早前提過的第一拖拉機（ 038），昨日跌入目標吸納區，已按計劃買貨。

今日介紹另一隻可以低吸的好股中國龍工（ 3339），集團的主業是產銷輪式裝載機、壓路機、挖掘機、起重叉車及其他基建機器，此外亦為基建機器提供融資租約。去年龍工業績相當理想，營業額增長 12.3%至 69億元（人民幣．下同），盈利則上升 20.2%至 7.99億元。盈利增幅較大，主要是因為新系列挖掘機及壓路機銷售激增，以及鋼價下跌令毛利率提升。中央投入大量資源搞基建，今年正是高潮所在，對龍工極之有利。今年首季，龍工銷售成績輝煌，裝載機銷量按年增 86%，挖掘機增 98%，叉車增 161%，壓路機增 109%，而且海外市場已見復蘇，首季銷售已超出去年全年。

本月或再加價
今年鋼價回升，龍工成本難免增加，但由於產品需求殷切，集團可以透過加價把成本轉嫁客戶，維持毛利率於較高水平。集團首季產品平均售價已調升 2.5%至 3%，美銀美林早前發表的研究報告指出，龍工 4月份銷售續有強勁增長，例如挖掘機就按年增長 186%，故本月有機會再次加價。有投資者擔心中央打壓樓市會影響龍工，美林指出來自房產行業的定單只佔龍工整體業務的 15%，影響有限，況且中央為壓樓價，將加快興建經濟適用房和廉租房，整體樓房的興建不會大幅放緩。龍工往績 PE不過 11.3倍，預測今年每股盈利增長 3成，折約 0.55港元，預期 PE更低至 8.7倍，估值甚低，若能在更低價位入貨，防守性更強。買賣策略：可於 4.5至 4.6元之間買入，短炒目標看 5.3元，中線看 6.6元，跌破 4.3元止蝕。

邱古奇