市場熱線：恒大 (3333) 買定等開車

近日有關紅色地主的消息都係負面居多，不過比較新淨的紅色地主，較受鑊鏟友歡迎，皆因魚缸升至現水平，唔少資金都追逐新丁同半新丁，缸邊友都怕高追會中招，參與炒作新丁卻唔需要面對蟹貨區，又或者高位受壓等煩惱。

盈利增長將大躍進
恒大地產（3333）今年捲土重來，成功登陸本地魚缸，更得到好多「煙出挑唇」投資者入股，主要睇中其土地儲備高達5,120萬平方米，超越祖國魚缸掛牌的紅色地主一哥萬科A。恒大的平均土地成本為每平方米445元（人仔‧下同），今年首三季度銷售面積、金額、土地儲備及在建面積，係眾紅色地主之首，在憧憬人仔升值下，自然值得睇高一線。恒大一○年營業額將暴增至410億元，盈利將達77億元，較今年預測盈利10億元暴漲7.7倍。

恒大能贏得投資者及機構的歡心，主要係登場時招股價打咗個大折扣，而今年斐然的銷售成績，確實地鎖定了一○年的部分利潤。雖然在過去兩年高速擴張期間，碰上了金融海嘯，但成功上市集資，可解決過高槓桿的問題，財務狀況大大改善，值得睇高一線。

Orientaldaily 20.11.20009 古勝
.